Հայաստանում Գերմանիայի դեսպան Ռայներ Մորելն անդրադարձել է Թուրքիայի կողմից Հայոց ցեղասպանության ճանաչման խնդրին, նշելով, որ ինքը հույս ունի, որ «Թուրքիան կմտածի այդ մասին»:
Հարցին, թե արդյոք անհանգստացնող չէ՞ Թուրքիայի քաղաքականությունը Հայոց ցեղասպանության ճանաչման հարցում, դեսպանը պատասխանել է. «Մենք հույս ունենք, որ Թուրքիան մոտակա տարիներին կմտածի այդ հարցի մասին»:
Դիվանագետի խոսքով՝ փոքր միջոցառումների կողքին իրենք ուզում են, առաջին հերթին, հարգել Առաջին աշխարհամարտի զոհերի հիշատակը:
«Բայց այդ միջոցառումների միջոցով մենք ուզում ենք նաեւ նայել ապագային ու ցույց տալ, որ հին թշնամությունը հաղթահարելու հնարավորություն կա»,-նշել է Մորելը:
Նա հավելել է, որ Առաջին աշխարհամարտը Եվրոպայում ավարտվել է, բայց դա եւս մեծ ջանքեր է պահանջել, ուժեղ դիմադրություն է եղել: «Իհարկե, պետք է ներողություն խնդրել, հաշտեցման ուղիներ գտնել: Պետք է նկատել, որ թուրք հասարակության մեջ որոշակի առաջընթաց կա: Այսինքն կարելի է ասել, որ առաջընթացը հույս կա»,-ընդգծել է դեսպան Մորելը: