Էլեկտրոնային առաջին հաղորդագրությունն ուղարկվել է ուղիղ 45 տարի առաջ՝ 1969 թվականի հոկտեմբերի 29-ին: Այս մասին գրում է «Ամերիկայի Լուրերը»:
Ըստ աղբյուրի, առաջին հաղորդագրության փոխանակումը կատարվել է ARPANET-ի միջոցով. այն աշխարհի առաջին համակարգչային ցանցն ու համացանցի նախատիպն էր: Պրոֆեսոր Լեոնարդ Քլեյնռոքը եւ նրա աշակերտը՝ ծրագրավորող Չարլի Քլայնը հաղորդագրությունների փոխանցում են կատարել գլխավոր համակարգչից դեպի մյուսը:
Ծրագրավորողները փորձել են ներմուծել եւ ուղարկել «Login» բառը, սակայն «о» տառը գրելուց հետո համակարգը խափանվել է: Այսինքն՝ 45 տարի առաջ համացանցով ուղարկված առաջին «բառը» եղել է «lo»: Մեկ ժամ անց մասնագետները կարողացել են փոխանցել ամբողջական բառը: