2014թ. հոկտեմբերի 27-ին` ժամը 15:40-ին, «Կապանի բժշկական կենտրոն» ՓԲԸ-ից ոստիկանության Կապանի բաժին ահազանգ է ստացվել, որ վրաերթի հետեւանքով ստացած փակ գանգուղեղային վնասվածք, գլխուղեղի ցնցում ախտորոշմամբ իրենց մոտ է տեղափոխվել Կապանի թիվ 7 հիմնական դպրոցի 5-րդ դասարանի աշակերտ, 2004թ. ծնված Սամվել Մեժլումյանը:
ՀՀ քննչական կոմիտեի տեղեկատվության եւ հասարակայնության հետ կապերի բաժնից հայտնում են, թե Սյունիքի մարզի քննչական վարչությունում նախապատրաստվող նյութերով պարզվել է, որ 2014թ. հոկտեմբերի 27-ին` ժամը 15:30-ի սահմաններում, 1975թ. ծնված Ա.Հալիվորյանը, ով աշխատում է Կապանի քաղաքապետարանում որպես վարորդ, իրեն ամրակցված «Մերսեդես Բենց» մակնիշի 777 LL 87 պետհամարանիշի ավտոմեքենայով Կապան քաղաքի Հ.Ավետիսյան փողոցի թիվ 4 շենքի դիմաց վրաերթի է ենթարկել Սամվել Մեժլումյանին, որի հետեւանքով վերջինս ստացած մարմնական վնասվածքներով վարորդի կողմից տեղափոխվել է «Կապանի բժշկական կենտրոն» ՓԲ ընկերություն:
Նշանակվել են դատաբժշկական եւ դատաավտոտեխնիկական փորձաքննություններ: