Չինաստանի ոստիկանությունը ձերբակալել է 180 փախստական պաշտոնյայի, որոնք մեղադրվում են տնտեսական հանցագործություններում, փոխանցում է «Մոսկովսկի կոմսոմոլեցը»՝ վկայակոչելով ՉԺՀ հանրային անվտանգության նախարարությունը:
Ըստ աղբյուրի՝ նրանցից 76-ը արտահանձնվել են հայրենիք, իսկ 44-ին մեղադրում են խոշոր չափերի գումարային խարդախություններում:
Վերջին տարիներին Չինաստանում բացահայտվել են բավական մեծ թվով գործեր, երբ պաշտոնյաները կաշառք են վերցրել եւ այն տեղափոխել այլ երկրներ:
Արտասահման ուղարկելով իրենց ընտանիքները՝ արդարադատությունից փախչող կաշառակերները իրենք էլ էին լքել հայրենիքը: ՉԺՀ-ում խիստ վերահսկողություն է սահմանված բոլոր պետծառայողների նկատմամբ, հատկապես նրանց, ում հարազատները մշտապես բնակվում են արտասահմանում: