Միացյալ Նահանգները շարունակում են կողմերին կոչ անել կառուցողական քայլեր ձեռնարկել ղարաբաղյան հակամարտույան կարգավորման ուղղությամբ, հայտարարել է Պետքարտուղարության պաշտոնական ներկայացուցիչ Ջեն Փսակին:
Նրա խոսքով՝ կողմերը կարող են հենվել այս տարի նախագահների միանգամից երեք հանդիպումների ժամանակ ստացված ազդակի վրա, «վստահության ամրապնդման ուղղությամբ քայեր ձեռնարկել, եւ իհարկե, դա կարող է տեղի ունենալ միայն երկխոսության ճանապարհով»:
Պետքարտուղարության ներկայացուցիչը հիշեցրել է, որ պետքարտուղար Քերին Ուելսում հանդիպումներ է ունեցել: Փսակին ընդգծել է, որ Վաշինգթոնը հակամարտության խաղաղ եւ ամուր կարգավորմանը հասնելու նպատակով կողմերին երկխոսութան, բանակցային գործընթացի առաջխաղացման կոչ է անում: