Մոսկվայի բորսայում հոկտեմբերի 30-ին եվրոյի փոխարժեքը հատել է 55 ռուբլու սահմանը՝ հերթական ռեկորդը սահմանելով:
Դոլարի փոխարժեքը ռուբլու համեմատ, ըստ աղբյուրի, նույնպես պատմական մաքսիմում է գրանցել՝ 43,60 ռուբլի:
Գործակալությունը հիշեցնում է, որ Ռուսաստանի ԿԲ-ն հոկտեմբերի 29-ին 40 կոպեկով ավելացրել էր երկարժութային զամբյուղի սահմանը: Այդպիսով, ներկայումս արժութային միջանցքի սահմանները սահմանվել են 39,2-48,2 ռուբլի:
Ըստ աղբյուրի՝ 2014 թ. հոկտեմբերի 30-ի դրությամբ դոլարի պաշտոնական փոխարժեքը Ռուսաստանի բանկը սահմանել է 42,6525 ռուբլի, որը 25,91 կոպեկով բարձր է նախորդ ցուցանիշից: Եվրոյի պաշտոնական փոխարժեքը բարձրացել է 47 կոպեկով՝ մինչեւ 54,3393 ռուբլի: Ընդ որում, երկարժութային զամբյուղի արժեքը ավելացել է 35,4 կոպեկով՝ մինչեւ 47,9116 ռուբլի: