Կան հայտարարություններ, որոնք քաղաքագիտության բազային գիտելիքների պաշարը թույլ չի տալիս մարսել: Այդ մասին այսօր՝ հոկտեմբերի 30-ին, կառավարությունում հայտարարեց իշխող Հանրապետական կուսակցության փոխնախագահ, կրթության եւ գիտության նախարար Արմեն Աշոտյանը:
Նրա խոսքով՝ եթե «Բարգավաճ Հայաստան» խմբակցության պատգամավոր Ստեփան Մարգարյանը հայտարարել է, թե փետրվարին կուսակցությունը կարող է հայտարարել իր ընդդիմադիր լինելու մասին, սա նշանակում է, որ ԲՀԿ-ն մոտակա ամիսներին իշխանափոխություն չի կանխատեսում՝ հակառակ դեպքում իրեն կտեսներ իշխանությունում, այլ ոչ թե ընդդիմությունը: Կամ էլ ԲՀԿ-ն ցանկալի իշխանափոխությունը տեսնում է առանց իր մասնակցության: «Քաղաքականության վերաբերյալ իմ ունեցած գիտելիքները թույլ չեն տալիս լիովին մարսել այդ հայտարարությունը», - ասել է Աշոտյանը:
Հիշեցնենք, որ հոկտեմբերի 29-ին, մամուլի ասուլիսի ժամանակ Ստեփան Մարգարյանը հայտարարել էր, որ ԲՀԿ-ն փետրվարին պաշտոնապես կարող է հայտարել ընդդիմություն հեռանալու մասին: