Հոկտեմբերի 28-ին, ժամը 10.55-ին, Ոստիկանության Աշտարակի բաժնում հաղորդում է ստացվել, որ մի քաղաքացի Աշտարակ քաղաքի նախկին կիսահաղորդիչների գործարանի պարսպի տակ զենք-զինամթերք է թողել:
Ոստիկանության լրատվության վարչությունից հայտնում են, թե մեկնած օպերատիվ խումբը նշված վայրում հայտնաբերել է պոլիէթիլենային պարկ, որի մեջ եղել է մեկփողանի ինքնաշեն կարճեցված փողով հրացան, ուսումնական հակատանկային 1 պայթուցիչ, հակահետեւակային 3 ական, հակատանկային 8 փամփուշտ եւ ինքնաձիգի 5,45 մմ տրամաչափի 2 փամփուշտ:
Հայտնաբերվածն ուղարկվել է փորձաքննության: