Ուկրաինային ռուսական գազի մատակարարումները կիրականացվեն կանխավճարով, հայտնում է UNIAN-ը՝ վկայակոչելով Ուկրաինայի վարչապետ Արսենի Յացենյուկը:
«Այսպիսով, 2014թ. վերջին եռամսյակում գազի գինը մեկ խմ-ի դիմաց կկազմի 378 դոլար, իսկ 2015թ. առաջին եռամսյակում՝ 365 դոլար», - աղբյուրը մեջբերում է Յացենյուկի խոսքերը:
Աղբյուրի փոխանցմամբ՝ Եվրոպական հանձնաժողովը հանդես կգա որպես Ռուսաստանի պարտավորությունների կատարման երաշխավոր, այդ թվում՝ գնի բարձրացման փոխհատուցման մեխանիզմի միջոցով, եթե նման գինը չհամապտասխանի Եվրամիության, Ուկրաինայի եւ Ռուսաստանի միջեւ ստորագրված եռակողմ արձանագրությանը:
Նա հավելեց, որ նման արձանագրության ստորագրությունը հնարավոր է բացառապես եռակողմ մակարդակով՝ Եվրամիություն, Ուկրաինա եւ Ռուսաստան:
Յացենյուկը խոսքով՝ գնի հարցում վերջնական որոշումը կկայացնի Ստոկհոլմի արբիտրաժային դատարանը: «Գազային պայմանագրի շուրջ վերջնական որոշումը կընդունի Ստոկհոլմի արբիտրաժային դատարանը», - ասել է Ուկրաինայի վարչապետը: