Ռուսաստանը կստուգի Անկախ պետությունների համակագործակցության (ԱՊՀ) շրջանակներում ստորագրված համաձայնությունները, փոխանցում է «ՏԱՍՍ»-ը՝ մեջբերելով Դաշնության խորհրդի ղեկավար Վալենտինա Մատվիենկոն:
«Պետք է ստորագրված համաձայնությունների վերստուգում իրականացնել. Դրանցից որոնք են աշխատում, որոնք կարելի է շարունակել, եւ որոնցից կարելի է հրաժարվել, որոնք պետք է արդիականացնել», - աղբյուրը մեջբերում է Մատվիենկոյի խոսքերը:
Դաշնության խորհուրդի ղեկավարն ընդգծել է, որ ԱՊՀ ղեկավարների պարբերական հանդիպումները իրենց գործնական արդյունքն են տալիս. «Որոշակի պայմանավորվածություններ են ձեռքբերվել, թեեւ բացարձակապես արդարացիորեն վերջին նիստին միտք է արտահայտվել, որ ավելի քան 20 տարի նման ձեւաչափով աշխատանք է տարվել, եւ, հավանաբար, ժամանակն է վերլուծություն կատարել, թե ինչն է արդեն արվել, ինչն է ԱՊՀ-ի համար արդյունավետ, ինչից նա կարող է հրաժարվել»: