Հնդկաստանում հաջորդ շաբաթանից կգործեն էլեկտրոնային վիզաներ մի շարք երկրների բնակիչների համար, այդ թվում նաեւ Ռուսաստանի: Այդ կերպ զբոսաշրջիկներն այլեւս ստիպված չեն լինի դիմել հարավասիական պետության հյուպատոսարաններ եւ վիզաների տրամադրման կենտրոններ, հաղորդում է «The Times of India» թերթի էլեկտրոնային տարբերակը:
Տուրիզմի նախարարությունից պարբերականի աղբյուրի խոսքով՝ համակարգն իրականացվելու է փուլ առ փուլ մոտ մեկ տարվա ընթացքում՝ ներառելով 180 երկիր: Հնդկաստան մեկնող զբոսաշրջիկները պետք է համացանցում հարցաթերթիկ լրացնեն, վճարում կատարեն, որից հետո 96 ժամվա ընթացքում էլետրոնային վիզա կտրամադրվի, որը նրանք մպետք է ներկայացնեն երկիր մուտք գործելիս, հաղորդում է ՏԱՍՍ-ը: http://itar-tass.com/
Սպասվում է, որ էլեկտրոնային վիզայի ներդրման մասին հաջորդ շաբաթ կհայտարարի Հնդկաստանի ՆԳ նախարար Ռաջնատհ Սինգհը: Դրանով կարելի է մեկնել Հնդկաստանի 9 օդանավակայաններից, այդ թվում Դելի, Մումբաի եւ Գոա քաղաքներից:
