Instagram ծառայության օգտատերերի լրահոսում տարբեր հաշիվներից տեսագովազդներ են հայտնվում, որոնց, սակայն, օգտատերերը բաժանորդագրված չեն: Այդ մասին գրում է Lenta.ru-ն:

Աղբյուրի փոխանցմամբ՝ գովազդներ վաճառելու իր ծրագրերի մասին Instagram-ը հայտարարել էր անցած տարվա աշնանը: 

Instagram-ում իրենց տեսագովազդները տեղադրող առաջին բրենդների շարքում են Disney-ը, Lancome-ը, Activision-ը եւ Banana Republic-ը:

Instagram ծառայությունը գործարկվել է 2010թ.: Այն օգտատերերին թույլ է տալիս միմյանց հետ կիսվել լուսանկարներով եւ տեսանյութերով: Ընդհանուր առմամբ, բջջային հավելվածներով Instagram-ից ամբողջ աշխարհում մոտ 200 մլն մարդ է օգտվում: 2012թ.-ից ընկերությունը պատկանում է Facebook սոցցանցին: