2015 թվականին Հայաստանի թոշակառուների ունեցած ստաժի համար գումարը կբարձրանա: Այս մասին այսօր՝ հոկտեմբերի 31-ին, ԱԺ-ում 2015-ի բյուջեի նախագծի քննարկումների ժամանակ հայտարարել է Աշխատանքի եւ սոցիալական հարցերի նախարար Արտեմ Ասատրյանը:
Նա նշել է, որ 2015-ին միջին կենսաթոշակը կաճի 14 տոկոսով եւ կկազմի 41 հազար դրամ, նախկին 36 հազարի փոխարեն:
Բացի այդ, 2015-ի հունվարի 1-ից բազային կենսաթոշակը կավելանա՝ 14 հազարից դառնալով 16 հազար դրամ, իսկ աշխատանքային ստաժի համար վճարները 700-ից կդառնան 800 դրամ՝ առաջին 10 տարվա համար, եւ 450-ից կդառնան 500 դրամ՝ հաջորդ տարիների համար: