Իսպանիայում հարկ են սահմանում որոնողական համակարգերում գտնված ցանկացած նյութի համար: Այսուհետ այդ համակարգերում գտնված ցանկացած տեղեկատվություն Իսպանիայում ընկնելու է «Մտավոր սեփականության մասին» օրենքի տակ: Այս մասին գրում է «Պրոնեդրա»-ն:
Աղբյուրի փոխանցմամբ՝ համապատասխան օրենքում փոփոխությունները երկրի խորհրդարանն ընդունել է հոկտեմբերի 31-ին: Իսպանիայում նոր օրենքը կոչել են «Google-ի հարկ», սակայն օրենքի գործողությունը տարածվում է որոնողական բոլոր համակարգերի վրա:
Համացանցում ցանկացած տեղեկատվություն որոնելուց առաջ օգտատերը պարտավորվելու է ֆիքսված վճարում կատարել: Բացի այդ, մինչեւ 600 հազար եվրոյի չափով տուգանք է սահմանվում «ծովահենային» նյութերի կամ նման նյութեր ներբեռնելու ցանկացած հղման համար: Տուգանվելու են կայքերի սեփականատերերը:
Օրենքի փոփոխությունները գործելու են 2015 թվականի սեպտեմբերի 1-ից:
