Ոստիկանության Նոր Նորքի բաժնում, հոկտեմբերի 27-ին, ժամը 17.25-ին, հաղորդում էր ստացվել, որ 18-ամյա մի տղայի ծեծի են ենթարկել:
Ոստիկանության մամուլի ծառայությունից հայտնում են, որ մեկնած օպերատիվ խումբը պարզել է, որ նույն օրը, ժամը 17.10-ին, անհայտ անձինք Մոլդովական փողոցի թիվ 70/1 շենքի դիմաց, վիճաբանության ժամանակ, ձեռքերով եւ ոտքերով հարվածներ են հասցրել 18-ամյա Էրիկ Ե.-ի մարմնի տարբեր մասերին` պատճառելով վնասվածքներ: Տղան ժամը 18.00-ին «պոլիտրավմա» ախտորոշմամբ տեղափոխվել է հիվանդանոց:
Ոստիկանության ծառայողների ձեռնարկած միջոցառումների շնորհիվ պարզվել է, որ Էրիկ Ե.-ին վնասվածքը պատճառել է 18-ամյա Րաֆֆի Հ.-ն, որը հոկտեմբերի 29-ին ներկայացել է բաժին եւ տվել հաղորդում, որ նշված վիճաբանության ժամանակ Էրիկ Ե.-ն բռունցքով հարվածել է իր մարմնի տարբեր մասերին, իսկ հոկտեմբերի 28-ին, ժամը 12.00-ին, հիվանդանոցում ճանկռել է դեմքը եւ պատճառել վնասվածքներ:
Նշանակվել են դատաբժշկական փորձաքննություններ: