ՀՀ աշխատանքի եւ սոցիալական հարցերի նախարարությունը անցել է գործազրկության իրական ցուցանիշի, հոկտեմբերի 31-ին խորհրդարանում լրագրողներին հայտնել է ՀՀ աշխատանքի եւ սոցիալական հարցերինախարար Արտեմ Ասատրյանը: Նա նշել է, որ եթե նախկինում վիճակագրական տվյալներում պաշտոնական գործազրկության խորագրի ներքո գրանցվում էին միայն այն քաղաքացիները, որոնք հաշվառված են Զբաղվածության պետգործակալությունում` որպես աշխատանք փնտրողներ, ապա այժմ գերատեսչությունը անցել է փաստացի ցուցանիշի` աշխատուժի ուսումնասիրման հիմքով: «Դա մեզ կօգնի զբաղվածության ծրագրեն ավելի ընդգրկուն դարձնել` հաշվի առնելով նաեւ նրանց շահերը, ովքեր չեն դիմում գործազրկության կարգավիճակի համար», – պարզաբանել է նախարարը:
Նկատենք, որ եթե Զբաղվածության պետգործակալությունում մոտ 75 գործազուրկ է գրանցված, ապա իրական գործազրկությունը, 2014թ. II կիսամյակի տվյալով, կազմել է 250,6 հազ. մարդ կամ աշխատունակ բնակչության 17,5%-ը:
