Ռուսաստանցի ոստիկանները Մոսկվայի մարզի բնակարաններից մեկում 174 կգ թմրանյութ են հայտնաբերել: Բացի այդ, ոստիկանները ձերբակալել են 6 մարդու, այդ թվում բանդայի ղեկավարին, հաղորդում է LifeNews-ը:
Մոսկվայի ոստիկանության թմրամիջոցների վերահսկողության ծառայության տնօրեն Վիկտոր Իվանովը նշել է, որ հերոինը եղել է 700 փաթեթներում, ինչը կազմում է մոտ 150 մլն դոզա՝ 500 մլն դոլար ընդհանուր արժեքով: Հանցագործները թմրանյութը Աֆղանստանից բերել են բանանի ու այլ մրգերի անվան տակ՝ արկղերով:
Ոստիկանության թմրամիջոցների վերահսկողության ծառայությունում դեռ չեն հաստատել տեղեկությունը, որ Իլգար Իմանովը Ուրախների եւ հնարամիտների ակումբի «Տղաները Բաքվից» թիմի խաղացող է: Ներկայումս նա գտնվում է Թուրքիայում, նրա առնչությունը թմրամիջոցների առեւտրականների գործունեությանը այս պահին հաստատված չէ:
ՈՒՀԱ-ի խաղացողը Մոսկվա պիտի վերադառնա՝ հարցաքննության: Աղբյուրի փոխանցմամբ՝ հերոինի վաճառքով զբաղվել են նրա օգնականները: