Անհասկանալի է, թե ինչո՞ւ Հայաստանը ոչ մի ծախս չի նախատեսել Եվրասիական տնտեսական միությանը անդամակցության ծրագրի համար: Այդ մասին այսօր՝ հոկտեմբերի 31-ին, խորհրդարանում հայտարարեց «Բարգավաճ Հայաստան» խմբակցության պատգամավոր Վահագն Մախսուդյանը՝ դիմելով ֆինանսների փոխնախարար Պավել Սաֆարյանին:
Ի պատասխան Մախսուդյանի հարցին, թե ինչո՞ւ բյուջեի 2015թ նախագծում այդ ծախսերը ներառված չեն, թեեւ դրանք պարտադիր լինելու են, Սաֆարյանը հիշեցրեց, որ կառավարությունը բյուջեի նախագծի մեջ չի ներառում այն համաձայնագրերի ազդեցությունը, որոնք դեռ ուժի մեջ չեն մտել: Դիտարկմանը հետեւեց պատգամավորի բավականին պատկերավոր առարկությունը. «Եթե ընտանիքում ցանկանում են երեխային ամուսնացնել, որոշակի գումար են խնայում: Գիտեն, որ միեւննույն է, այսօր կամ վաղը չեն ամուսնացնելու, սակայն խնայում են այդ գումարները: Իսկ մե՞նք»:
Հիշեցնենք, որ ԵՏՄ-ին Հայաստանի անդամակցությունը ուժի մեջ կմտնի 2015թ. հունվարի 1-ից: