Աղջիկները, որոնք գտնվում են սթրեսի վիճակում կամ նրանց տան անդամները նախկինում տառապել են դեպրեսիայով, կարող են ավելի արագ ծերանալ, քան նրանք, որոնք ընտանիքում հոգեբանական խնդիրներ չեն ունեցել, հաղորդում է Medical News Today-ը:
Շատ գիտնականներ արդեն ապացուցել են սթրեսի, դեպրեսիայի կապը ժամանակից վաղ ծերացման հետ: Ամբողջ խնդիրը քրոմոսոմի ծայրերին գտնվող պաշտպանիչ կառույցների մեջ է: Ծերացմանը զուգահեռ դրանք կարճանում են: Որքան կարճանում են, այնքան արագ է մարդը մահանում:
Քրոմոսոմի ծայրերին գտնվող պաշտպանիչ կառույցները կարճանում են սթրեսի եւ ԴՆԹ-ն վնասող այլ գործընթացների հետեւանքով: Գիտնականները դեռ չգիտեն որն է սկզբնական պատճառը` սթրեսը, ընկճախտը, թե դրանց երկարության կրճատումը: Նրանք փորձել են դա պարզել` վերլուծելով 10-14 տարեկան 97 աղջիկների, որոնք ընկճախտ չեն ունեցել, սակայն ռիսկի գոտում են գտնվել, քանի որ ընկճախտ է ունեցել նրանց ընտանիքի անդամներից որեւէ մեկը: Եղել է նաեւ վերահսկվող խումբ, փոխանցում է MedDaily.ru-ն:
Հետազոտության բոլոր մասնակիցները սթրեսային թեստեր են հանձնել եւ գիտնականներին պատմել իրենց կյանքի սթրեսային իրավիճակների մասին: Թեստերից առաջ եւ հետո չափվել է սթրեսի հորմոն կորտիզոլի մակարդակը: Պարզվել է, որ ընկճախտի բարձր ռիսկ ունեցող խմբի 12 տարեկան աղջիկների մոտ քրոմոսոմի ծայրերին գտնվող պաշտպանիչ կառույցները կարճ են եղել (համարժեք է 6 տարվան): Հավանաբար, դրանք նախորդում են ընկճախտի զագացմանը: