News
Լրահոս
News
Ուրբաթ
Մարտ 29
Տեսնել լրահոսը

Քալիֆորնիական Գլենդել քաղաքի հայ բնակչուհին, ով տանը բժշկական ծառայություններ մատուցող գործակալության համասեփականատեր է, մեղադրվում է խարդախությանը մասնակցելու մեջ, որի արդյունքում «Medicare» բժշկական ապահովագրական համակարգը զրկվել է 22 մլն դոլարից:

Ըստ «Glendale News-Press»-ի, 38-ամյա Անժելա Ավետիսյանին, 67-ամյա բժիշկ Ռոբերտ Գլեյզերին եւ նրանց մեղսակիցներին մեղադրում են 2006 թվականի հունվարից մինչեւ 2014 թվականի մայիսը ծառայությունների համար «Medicare» համակարգին հաշիվներ ներկայացնելու համար, որոնք կա՛մ անհրաժեշտ չեն եղել, կա՛մ երբեք չեն մատուցվել: Ներկայացվել է 33 մլն դոլարի հաշիվ, որից 22 մլն դոլարը վճարվել է:

Ավետիսյանը նշված գործակալության համասեփականատերն է, ինչպես նաեւ աշխատել է Գլեյզերի կլինիկայում որպես մենեջեր: Մեղադրական եզրակացության համաձայն, Ավետիսյանը մարդկանց վճարել է, որպեսզի նրանք «Medicare» համակարգից կլինիկայի համար հիվանդներ հավաքեն: Պոտենցյալ հիվանդներին նրանք ասել են, որ «Medicare»-ն անվճար հաշմանդակի սայլակներին վերաբերող սահմանափակ ժամկետով առաջարկություն ունի, ինչպես նաեւ նրանց անվճար դիաբետիկ կոշիկ են առաջարկել:

Երբ հիվանդները եկել են կլինիկա, Գլեյզերը նրանց համար երկարաժամկետ օգտագործման բժշկական սարքերի անպետք բաղադրատոմսեր է դուրս գրել, օրինակ՝ էլեկտրական հաշմանդամի սայլակներ, ինչպես նաեւ տանը բժշկական խնամքի անպետք սերտիֆիկատներ: Այդ այցերի ընթացքում որոշ հիվանդներից արյան անալիզ են վերցրել, ուլտրաձայնային հետազոտություն եւ էլեկտրակարդիոգրամա են կատարել, որոնք անհրաժեշտ չեն եղել:

«Ատկատների» համար Գլեյզերն Անժելա Ավետիսյանին եւ այլ մեղսակիցների դեղատոմսեր եւ սերտիֆիկատներ է տվել, որոնք վերջիններն օգտագործել են՝ «Medicare» համակարգին խաբեբայությամբ փոխհատուցման պահանջ ներկայացնելու համար:

Անժելա Ավետիսյանին եւ Ռոբերտ Գլեյզերին մեղադրանք է առաջադրվել՝ առողջապահության ոլորտում խաբեբայություն կատարելու նպատակով համաձայնության գալու եւ առողջապահության ոլորտում խաբեբայություն կատարելու համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կոլումբիայի ամենամեծ հանցավոր խմբավորումը հայտնել է, որ պատրաստ է բանակցել իշխանությունների հետ
Հանցավոր խմբավորումը պատրաստ է բանակցել իշխանությունների հետ...
Հրաձգություն Վաշինգտոնում. երկու մարդ զոհվել է, հինգը՝ վիրավորվել
Հայտնի չէ, թե ով է կրակ բացել կամ ինչն է հանգեցրել հրաձգությանը․․․
Կալիֆոռնիայում մի կնոջ են ձերբակալել, որի ճամպրուկում հայտնաբերել են նրա 5-ամյա որդու մասունքները
2022 թվականի հոկտեմբերին Վաշինգտոնի շրջանի դատավորը Անդերսոնին ձերբակալելու օրդեր է տվել
Կրասնոդարի երկրամասի դատարանը պայմանական վաղաժամկետ ազատել է «օրենքով գող» Շաքրո Մոլոդոյին
Ավելի վաղ VChK-OGPU Telegram ալիքը, հղում անելով իր աղբյուրին, հայտարարել էր, որ մարտի 16-ին պետք է...
Սպանություն Արագածոտնի մարզի «Արծվի թեւեր» հանգստյան գոտու հարեւանությամբ. SHAMSHYAN.com
Ոստիկանները պարզել են նաև, որ նա հիվանդանոց է տեղափոխվել քաղաքացիական ավտոմեքենայով․․․
Չեխիան ԱՄՆ-ին է արտահանձնում վրացի քրեական հեղինակություն Փոլադ Օմարովին
Բացի այդ, ԱՄՆ-ում Օմարովին կասկածում են այնտեղ բնակվող իրանցի լրագրող…
Ամենաշատ