2014 թ. 9 ամսվա ընթացքում Ռուսաստանն արտաքսել է 97 973 միգրանտի` անցյալ տարվա ինն ամսվա 39,5 հազարի համեմատությամբ, հայտնում է LifeNews-ը:
Ըստ աղբյուրի` Ռուսաստանում այժմ գտնվում է 11 760 866 օտարերկրյա քաղաքացի, որոնցից շուրջ 861 հազարը երկրում ապօրինի են արդեն մեկ տարուց ավելի:
Վերջին երկու շաբաթներին Մոսկվայից կամավոր տուն է մեկնել շուրջ 15 հազար միգրանտ: Փորձագետները կանխատեսում են նաեւ ապօրինի միգրանտների հետագա մեկնում մայրաքաղաքից` ոստիկանության պարբերական ստուգումների պատճառով:
Աղբյուրը հիշեցնում է, որ «Միգրանտ-2014» հատուկ գործողությունն իրականացվում է հոկտեմբերի 23-ից մինչեւ նոյեմբերի 2-ը: Այդ ժամանակահատվածում արտաքսվելու է 30 հազարից ավելի մարդ: