Սոմալիի ծովահեններն ազատ են արձակել 7 հնդիկ նավաստիների, որոնց 4 տարվա ընթացքում պահում էին կալանքւի ներքո՝ փրկագինի համար: Փրկագնի գումարը չի հրապարակվում: Այդ մասին ուրբաթ հայտարարել են Սոմալիի իշխանությունները եւ ծովային վերահսկողության խումբը:
Նախկինում ծովահեններին հաջողվում էր մինչեւ միլիոն դոլար փրկագին ստանալ նավերի վերադարձման համար, որոնք զավթում էին Աֆրիկյան Եղջյուրի երկրների տարածքային ջրերում: Սակայն այժմ նման դեպքերի թիվը կրճատվել է Հնդկական օվկիանոսի ջրերի պարեկային ծառայության խստացման շնորհիվ տարբեր երկրների ռազմածովային նավատորմերի միավորված ուժերի կողմից, հաղորդում է ՏԱՍՍ-ը:
Նրանց պատանդ էին պահում 2010թ.-ի սեպտեմբերից, երբ ծովահենները գրավել էին պանամական «MT Asphalt Venture»: Խմբի այլ ութ անդամներ եւ ինքը նավն ազատ էին արձակվել փրկագնի դիմաց 2011թ.-ի ապրիլին:
Այն ժամանակ զավթիչները հայտարարեցին, որ յոթ պատանդներին ազատ կարձակեն միայն այն ժամանակ, երբ Հնդկաստանի իշխանություններն ազատ արձակեն ձերբակալված ծովահեններին:
Արդյոք նրանց պահանջները բավարարվել են, հայտնի չէ:
