Թուրքիայի վաճառասեղաններին հայտնված «Երգարան. Կոմիտաս վարդապետի հայերեն, քրդերեն եւ թուրքերեն հավաքածուներից մշակումներ» անունը կրող ալբոմում տեղ գտած «Էզան»-ը մեծ արձագանք է գտել մուսուլման երաժշտասերների մոտ։
«Երգարան. Կոմիտաս վարդապետի հայերեն, քրդերեն եւ թուրքերեն հավաքածուներից մշակումներ» անունը կրող ալբոմը մեծ հետաքրքրություն է առաջացրել Թուրքիայում, իսկ նրանում տեղ գտած «Էզան»-ը զարմանք է պատճառել շատերին։ «Էզանը» տեղ է գտել բազմաթիվ մուսուլման օգտատերերի էջերում, իսկ ալբոմի հեղինակներ Բուրջու Յըլդըզը եւ Ար Հերգելը ավելի վաղ հայտարարել էին, թե «Էզանը» iTunes-ի ամենաշատ լսված երգերի ցանկում է։
Ալբոմի հեղինակները նշել էին, թե Կոմիտասը «Էզանը» մշակել էր 1905-ի հայ-թաթարական ընդհարումների մասին պատմող «Հուր եւ Սուր» ներկայացման համար եւ օգտագործվել է որոշ դրվագներում։
Նշենք, որ «Երգարան. Կոմիտաս վարդապետի հայերեն, քրդերեն եւ թուրքերեն հավաքածուներից մշակումներ» ալբոմի ստեղծման մեջ ներդրում են ունեցել երաժիշտներ Արամ Քերովբյանը, Մուրադ Այդեմիրը, Արա Դինքջյանը, Մուրադ Իչինալչան, Աշուղ Բինգյոլը եւ այլ երաժիշտներ։
Ալբոմի մեջ կա նաեւ 3 լեզվով՝ թուրքերենով, քրդերենով եւ հայերենով գրքույկ՝ Կոմիտասի կյանքի մասին մանրամասներով եւ նրա լուսանկարներով։
