«Apple» ընկերության արդյունաբերական դիզայնի բաժնի ավագ փոխնախագահ Ջոնի Այվը հայտարարել է, որ տեղյակ չէ ընկերության ֆինանսական ցուցանիշներից, հաղորդում է «Wall Street Journal»-ը:
Հանդես գալով Սան Ֆրանցիսկոյում արդի արվեստի թանգարանում՝ Ջոնի Այվը հանդիսատեսին հայտարարել է, որ ընկերության համար գլխավորը լավ ապրանքի ստեղծումն է, իսկ շահույթն արդեն հետեւանք է:
«Իսկապես տեղյակ չեմ թվերից: Սակայն գիտեմ, որ դրանք բարձր են»,- ասել է Այվը, հաղորդում է «Gazeta.ru»-ն:
Փորձագետները զարմացել էին, որ «Apple»-ի թոփ-մենեջերը ծանոթ չէ ֆինանսական ցուցանիշներին, այդ թվում 2014թ.-ի ֆինանսակական տարում 183 մլրդ դոլար եկամուտի եւ 40 մլրդ դոլար շահույթի մասին: