Կանադայի օդուժը «Իսլամական պետության» դեմ միջազգային գործողության շրջանակում իրականացրել է առաջին մարտական թռիչքները, հայտնում է CTV հեռուստաալիքը։
«Կործանիչները եւ օժանդակ օդանավերն իրենց առաջին մարտական թռիչքներն են իրականացրել, սակայն ԻՊ դիրքերը դեռ չեն ռմբակոծել», - հեռուստաալիքին հայտնել են Քուվեյթի ավիակայանում, որտեղ տեղակայված է Կանադայի զորքը, փոխանցում է ՏԱՍՍ-ը:
ԻՊ-ի դեմ պայքարում Սթիվեն Հարփրի կառավարությունն ուղարկել է վեց կործանիչ, երկու հետախուզական օդանավ եւ մեկ լիցքավորող օդանավ: Մերձավոր Արեւելքում գտնվում են 600 զինծառայող ` «օդային առաքելության աջակցության համար»:
Կանադայի վարչապետ Սթիվեն Հարփերը նախկինում հայտնել էր, որ Կանադայի օդուժը ռմբակոծելու է իսլամիստների դիրքերը միայն Իրաքի տարածքում: Նա ընդգծել է, որ երկրի զինվորականները չեն մասնակցելու ցամաքային գործողությանը: