ԼՂՀ Քաշաթաղի շրջանում սիրիահայ 28 ընտանիք է ապրում՝ հիմնականում Կովսականում եւ Իշխանաձորում են։
Այս մասին նոյեմբերի 1-ի մամուլի ասուլիսում հայտնել է ԼՂՀ Քաշաթաղի շրջանի վերաբնակեցման վարչության պետ Ռոբերտ Մաթեւոսյանը։
Ըստ նրա` սիրիահայ 3 ընտանիքներ բնակվոմ են ԼՂՀ Քաշաթաղի շրջանի Բերձորում (Լաչին): «Իշխանաձորում եւ Կովսականում նրանք հիմնականում հողագործությամբ են զբաղվում: Պետությունը նրանց գյուղատնտեսական արտոնյալ վարկեր է տրամադրել: Կան սիրիահայերի ընտանիքներ, որոնք անկախ այն բանից, թե ինչպիսին կլինի Սիրիայի հետագա իրավիճակը, կմնան Քաշաթաղում. նրանք իսկական քաշաթաղցիներ են դարձել», - ուրախությամբ ընդգծել է Ռոբերտ Մաթեւոսյանը: