Մարդիկ են մեղավոր, որ գայլերը լքում են իրենց միջավայրը եւ մտնում բնակավայրեր։ Այս մասին նոյեմբերի 1-ի մամուլի ասուլիսում հայտարարել է «Հանուն մարդկային կայուն զարգացման» ՀԿ-ի նախագահ Կարինե Դանիելյանը։
«Ոչ ոք չի վիճում, գայլերից տուժածներին փոխհատուցում պետք է տրվի։ Բայց եկեք մտորենք՝ արդյոք մարդու անխոհեմ գործունեությունը կապ չունի՞. գայլերը մարդկանց պատճառով զրկվում են կերի պաշարներից»,- հավելել է նա։
Նշենք, որ որսորդական տարեշրջանում՝ մինչեւ 2015 թ. գարունը, ՀՀ բնապահպանության նախարարությունն արտոնել է գայլերի որսը, սակայն օգոստոսի 22-ի հրամանով չի նշվել դրանց թիվը:
Էկոլոգիական հասարակական դաշինքի համակարգող Սիլվա Ադամյանն էլ նշել է, որ կառավարությունն իրենցից արդեն ստացել է մի շարք առաջարկներ՝ գայլերի համար արհեստական կերի բազաներ ստեղծելու, գյուղերը գայլերի հարձակումից պաշտպանելու, գյուղացիներին գելխեղդ շներ ձեռք բերելիս օգնելու վերաբերյալ։