2010թ.-ից սկսած Լեռնաղյի Ղարաբաղի Հանրապեության Քաշաթաղի շրջանի բնակչության թվաքանակը 7-8 հազարից հասել է 11 հազարի: Այդ մասին այսօր՝ նոյեմբերի 1-ին, մամուլի ասուլիսի ժամանակ հայտարարեց Լեռնային Ղարաբաղի Քաշաթաղի շրջանի սոցիալական ապահովության վարչության պետ Վարդան Բաղդասարյանը:
Նրա խոսքով՝ շնորհիվ ԼՂՀ-ի կառավարության քաղաքականության, Քաշաթաղի շրջանում բավականին դրական միտումներն են արձանագրվում: «Ստորագրվել է ծնելիությունն ու բազմազավակությունը խթանող ծրագրերի փաթեթ, որտեղ հաստատվել են նպաստների, ինչպես նաեւ երեխայի ծնունդի ժամանակ միանվագ վճարումների կոնկրետ գումարային չափերը: Ընտանիքում 6 եւ ավելի երեխաների ծնվելու դեպքում այդ ընտանիքի համար պետության հաշվին մասնավոր տուն է կառուցվում: Ընտանիքում 4-րդ երեխայից սկսած՝ նպաստը կազմում է 15 հազար դրամ», - նշեց Վարդան Բաղդասարյանը:
Քաշաթաղում երեխայի ծնվելու ժամանակ միանվագ վճարվում է 100 հազար դրամ, երկրորդ երեխայի ժամանակ՝ 200 հազար դրամ, երրորդի դեպքում՝ 500 հազար դրաm եւ բանկում 500 հազար դրամի չափով հաշիվ է բացվում: «Այս ծրագիրը նպաստեց Լեռնային Ղարաբաղի Հանրապետութան Քաշաթաղի շրջանում վերաբնակեցման եւ բնակչության թվաքանակի ավելացմանը», - ընդգծեց Վարդան Բաղդասարյանը: