Ford-ը պաշտոնապես ներկայացրել է իր ամենահզոր Mustang - Shelby GT350-ը, հայտնում է Auto News-ը:
Նորույթը համալրվել է 5,2 լիտր ծավալով ատմոսֆերային 8 մխոցային շարժիչով: Շարժիչը ավելի քան 500 ձիաուժ հզորություն է զարգացնում: Այն աշխատում է 6 աստիճան մեխանիկական փոխանցման տուփի հետ համատեղ: Ավտոմեքենան հագեցած է Torsen բարձր շփման դիֆերենցիալով: Ավտոմեքենայի առավել մանրամասն տեխնիկական բնութագրերը ավելի ուշ հայտնի կլինեն:
Ford Shelby GT350 Mustang-ը ստանդարտ «Մուստանգից» տարբերվում է ալյումինային կապոտով` օդափոխության անցքերով, առավել ագրեսիվ ածխածնային ռադիատորի վանդակաճաղերով, 19 դյույմանոց անվահեծերով եւ Michelin Pilot Super Sport անվադողերով: Սրահի ներսում տեղադրված են Recaro սպորտային նստատեղերը: