Ավտոմեքենաների տեխզննության կտրոնի համար հարկի վճարման կարգը կպարզեցվի: Այդ մասին այսօր՝ նոյեմբերի 19-ին, կառավարության նիստի ընթացքում հայտարարեց ֆինանսների նախարար Գագիկ Խաչատրյանը:
Կառավարության համապատախան որոշումներում ընդունված փոփոխություններն առաջարկում են էլեկտրոնային վճարման համակարգ ստեղծել: Այդ նպատակով պետվճարների էլեկտրոնային համակարգում պետք է անցկացնել մեքենայի տեխանձնագրի համարը, որից հետո համակարգը կստուգի ավտոմեքենայի համար գույքահարկի պարտքի մաին տեղեկությունը: Վճարումներից հետո կտրոնը կարելի է ստանալ համակարգի կողմից նշված հասցեով: «Միջնորդավճարը կկազմի վճարման ընդամենը 0,15%-ը, իսկ տվյալները փոստով ուղարկելու դեպքում՝ 250 դրամ», - նշեց Խաչատրյանը:
Համեմատության համար նշենք, որ ավելի վաղ ավտոմեքենայի վարորդը ստիպված էր հաջորդաբար իրականացնել հետեւյալ գործողությունները. Սկզբում մեքենայի գրանցման վայրից գույքահարկի գծով հնարավոր պարտքերի մասին տեղեկանք ստանալուց հետո պետք է ներկայացնել այն բանկ (հարկերի առկայության դեպքում՝ վճարեր), այնուհետեւ կրկին ներկայանալ գրանցման վայր, ստանալ կտրոնը եւ վերջապես վճարել այն բանկում: