Ոստիկանությունը բացահայտել է odnoklassniki.ru կայքում այլ անձի պատկանող բանկային քարտով վճարումներ կատարած անձի ինքնությունը:
Ոստիկանության մամուլի ծառայությունից հայտնում են, որ հունիսի 2-ին ոստիկանության Մաշտոցի բաժնում նյութեր են ստացվել, որ ապրիլի 30-ից մայիսի 4-ն ընկած ժամանակահատվածում, համացանցի «odnoklassniki.ru» սոցիալական կայքում վճարումներ կատարելու եղանակով, անհայտ անձը Անուշ Պ.-ի «ՎԻԶԱ» վճարային քարտի հաշվից համակարգչային տեխնիկայի օգտագործմամբ հափշտակել է զգալի չափերի` 739 եվրո գումար:
Ձեռնարկված միջոցառումների շնորհիվ պարզվել է, որ նշված հանցագործությունը կատարել է 26-ամյա Լեւոն Մ.-ն:
Կատարվում է քննություն:
