Մայր Աթոռ Սուրբ Էջմիածնի Սոցիալական ծառայությունը, «Աջակցության կարիքավոր եւ անապահով ընտանիքներին» ծրագրի շրջանակներում, Ամենայն Հայոց Կաթողիկոս Գարեգին Բ-ի օծման եւ գահակալության 15-ամյակի առիթով նյութական օգնություն է ցուցաբերել Հայաստանում ապաստան գտած 150 սիրիահայ ընտանիքների:
Մայր Աթոռ Սուրբ Էջմիածնի Տեղեկատվական համակարգից հայտնում են, որ նույն ծրագրի շրջանակներում դրամական եւ նյութական օգնություն է հատկացվել ՀՀ տարբեր մարզերից 70 առավել անապահով բազմազավակ ընտանիքների, ուսանողների, հաշմանդամների եւ միայնակ մայրերի:
