Հրադադարի մասին հայտարարությունից հետո Ուկրաինայի արեւելքում ավելի քան 700 մարդ է զոհվել, հայտնում է Russian Today-ը՝ վկայակոչելով ՄԱԿ-ի Մարդու իրավունքների գերագույն հանձնակատարի վարչության դիտորդական առաքելության՝ Ուկրաինայի իրավիճակին նվիրված 7-րդ զեկույցը:
Աղբյուրի փոխանցմամբ՝ փաստաթուղթն ընդգրկում է սեպտեմբերի 17-ից մինչեւ հոկտեմբերի 31-ն ընկած ժամանակահատվածը:
«Հրադադարի մասին հայտարարելուց հետո սեպտեմբերի 6-ից մինչեւ հոկտեմբերի 31-ը առնվազն 718 մարդ է զոհվել: Սեպտեմբերի 9-ից մինչեւ հոկտեմբերի 28-ը Դոնեցկի եւ Լուգանսկի մարզերում զոհված երեխաների թիվը ավելացել է 28%-ով՝ 36 մահ: Միեւնույն ժամանակ վիրավորված երեխաների թիվը ավելացել է 82%-ով՝ 102 դեպք» - աղբյուրը մեջբերում է զեկույցի տեքստը:
