NEWS.am-ի տեղեկություններով, նոյեմբերի 19-ի գիշերը Ջրվեժի «Ռայ» գիշերային ակումբի մոտ ծեծկռտուք է տեղի ունեցել, որի ընթացքում վնասվածք է ստացել նաեւ միջամտած ոստիկանը:
NEWS.am-ին հաջողվեց պարզել, որ նշված ակումբի մոտ նոյեմբերի 19-ի կեսգիշերին մի խումբ տղաների միջեւ վիճաբանություն է տեղի ունեցել, որը վերածվել է ծեծկռտուքի: Նրանք հարվածներ են հասցրել նաեւ ակումբի դռնապանին, որը փորձել է միջամտել ծեծկռտուքին:
Այնուհետեւ միջամտել է տարածքում ծառայություն իրականացնող ոստիկանը, սակայն ոչ միայն վեճը չի կանխվել, այլ տղաներից մեկը բռնուցքով հարվածել է ոստիկանի դեմքին եւ դիմել փախուստի:
Այս միջադեպի հետ կապված փորձեցինք մանրամասներ ճշտել ոստիկանությունից, որտեղից հայտնել են, որ նշված անձնանց ինքնությունը պարզվել է, կատարվում է քննություն:
