Այսօր փոխըմբռնման հուշագիր է ստորագրվել ՀՀ Մարդու իրավունքների պաշտպանի գրասենյակի եւ ՄԱԿ-ի Բնակչության հիմնադրամի հայաստանյան ներկայացուցչության միջեւ Պաշտպանի առաջին տեղակալ Գենյա Պետրոսյանի եւ ՄԱԿ-ի Բնակչության հիմնադրամի տարածաշրջանային տնօրեն Զահիդուլ Հյուքի կողմից:
Հուշագրով նախատեսվում է համագործակցության խորացում քաղաքացիական, քաղաքական, սոցիալական, տնտեսական եւ մշակութային իրավունքների պաշտպանության ոլորտում:
ՄԱԿ-ի Բնակչության հիմնադրամի տարածաշրջանային տնօրենը բարձր է գնահատել Օմբուդսմենի եւ նրա աշխատակազմի ակտիվ գործունեությունը Հայաստանում մարդու իրավունքների պաշտպանության ոլորտում:
Կողմերը մեծապես կարեւորել են երկուստեք համագործակցության խորացումը՝ նպատակ ունենալով բարձրացնել զարգացմանն ուղղված իրենց ջանքերի արդյունավետությունը եւ մարդու իրավունքների պաշտպանության ոլորտում ուժեղացնել համագործակցությունը Օմբուդսմենի երեւանյան ու մարզային գրասենյակների եւ ՄԱԿ-ի Բնակչության հիմնադրամի հայաստանյան գրասենյակի միջեւ: