Հայաստանից սեռական թրաֆիքինգի հիմնական ուղղություններն են Թուրքիան եւ Արաբական Միացյալ Էմիրությունները: Այս մասին նոեմբերի 20-ին խորհրդարանում հայտարարել է ՀՀ փոխոստիկանապետ Հունան Պողոսյանը՝ ներկայացնելով «Թրաֆիքինգի եւ շահագործման ենթարկված անձանց նույնականացման և աջակցության մասին» օրենքի նախագիծը:
2013թ., նշել է նա, ոստիկանությունը քրեական գործեր է հարուցել թրաֆիքինգից 19 տուժածների հարցով (նրանցից 13-ը՝ կին), իսկ 2014թ. սկզբից ի վեր՝ 9, նրանցից 7-ը՝ կին, երկուսը՝ անչափահաս: Պողոսյանը հավելել է, որ Հայաստանը թրաֆիքինգի աղբյուր երկիր է, այլ ոչ թե ուղղություն: 7 ուղղություններից երկուսը Թուրքիան է, մեկականը՝ ԱՄԷ-ն: «Եվս մեկական դեպքի՝ այս անգամ աշխատանքային շահագործման, ուղղություն է դարձել Ռուսաստանը», - հայտնել է պաշտոնյան: Մյուս գործերի դեպքում թրաֆիքինգը եղել է Հայաստանի ներսում: