Սիրիայի Քոբանի քաղաքի բնակիչները իրենց տներն են վերադարձել այն բանից հետո, երբ քրդական ուժերը ճնշելե ն «Իսլամական պետության» գրոհայիններին քաղաքային թաղամասերի մեծ մասում, փոխանցում է «ՌԻԱ Նովոստին»՝ վկայակոչելով քաղաքապետ Էնվեր Մուսլիմին:
«Քրդերի դեմոկրատական միության առաջխաղացման կապակցությամբ վերջին օրերին Քոբանի են վերադարձել շուրջ 20 հազար քաղաքացիներ: Նրանց անհրաժեշտ է դեղորայք, սննդամթերք, հագուստ: Մենք զբաղվում ենք դրանք ապահովելու հարցով», - Մուսլիմիի խոսքերն է մեջբերել գործակալությունը:
Ըստ քրդերի ղեկավարի՝ ներկայումս քաղաքի տարածքի 80%-ը քուրդ զինվորականների վերահսկողության տակ է, 20%-ը դեռ ԻՊ գրոհայինների ձեռքում է:
