Գերմանական Mercedes-Benz ավտոարտադրողը ներկայացրել է վերածնված Maybach բրենդի առաջին մոդելը:
Mercedes-Maybach S600 անվանումը ստացած ավտոմեքենայի սրահի հետեւամասում տեղակայված երկու առանձին նստատեղերը հագեցած են մերսմամբ եւ էլեկտրակարգավորմամբ, հենակները կարող են թեքվել մինչեւ 43,5 աստիճան անկյան տակ:
Արտադրողը Mercedes-Maybach-ին անվանում է խաղաղ, սերիական սեդան. ակուստիկ հարմարավետության մակարդակը ավելացել է սովորական S-Class-ի համեմատությամբ, իսկ աղմուկը նվազեցնող հատուկ էլեմենտները ներդրվել են այդ թվում նաեւ՝ անվտանգության գոտիների մեխանիզմներում: