Հակամարտության խաղաղ կարգավորման այս գործընթացը որոշակիորեն ձգձգվում է: Այդ մասին haqqin.az-ի թղթակցին հայտարարել է Խաղաղության հիմնադրամների միջազգային ընկերակցության նախագահ, շախմատի աշխարհի նախկին չեմպիոն Անատոլի Կարպովը:
«Սակայն ըստ իս՝ այն պետք է լուծվի խաղաղ ճանապարհով: Հիշում եմ, որ 90-ական թթ. սիզբին, որպես Խաղաղության խորհրդային կոմիտեի ղեկավար, եղել եմ Բաքվում: Ես ձեզ մի գաղտնիք ասեմ, թեեւ այն այսօր այլեւս գաղտնիք չէ: Բաքվից մեկնելուց առաջ ես հանդիպեցի Հեյդար Ալիեւի հետ, որպեսզի խորհրդակցեմ վերջինիս՝ որպես Կրեմլում Անդրկովկասի հանրապետությունների իրադրության եւ մենթալիտետի մասին լավագույնս տեղյակ անհատի հետ: Հենց այդ ժամանակ նա կողմ էր հանդես գալիս Հայաստանի եւ Ադրբեջանի միջեւ այս թեժ հակամարտության խաղաղ կարգավորմանը: Եվ նույնիսկ հայտնի ասացվածք մեջբերեց. «Վատ խաղաղութունը լավ պատերազմից լավ է», - հայտարարել է Անատոլի Կարպովը: