Մեքսիկական ծոցի Echo նավթագազային պլատֆորմում նոյեմբերի 20-ին տեղի ունեցած պայթյունը մեկ մարդու կյանք է խլել։ Երեք վիրավորներ հոսպիտալացվել են։ Այս մասին հայտնում է ABC News-ը՝ վկայակոչելով անվտանգության եւ բնապահպանական վերահսկողության հարցերով ամերիկյան բյուրոն, փոխանցում է Lenta-ն։
Պլատֆորմը պատկանում է Fieldwood Energy-ին եւ Լուիզիանա նահանգից 19 կմ հեռվում է գտնվում։ Նշվում է, որ պայթյունի պահին պլատֆորմում աշխատանքներ չէին տարվում, ուստի լուրջ հետեւանքներից հնարավոր է եղել խուսափել։ Նավթի արտահոսքի մասին տեղեկություն չի ստացվել։ Միջադեպի պատճառները ճշտվում են։