ՌԴ-ի նախագահ Վլադիմիր Պուտինը Հայաստանի նախագահի խորհրդական Կարինե Մինասյանին պարգեւատրել է Բարեկամության շքանշանով: Այդ մասին ասվում է Կրեմլի պաշտոնական կայում տեղադրված հաղորդագրության մեջ:
Պարգեւը շնորհվել է Ռուսաստանի Դաշնության հետ բարեկամության եւ համագործակցության ամրապնդման գործում, առեւտրատնտեսական եւ մշակութային կապերի ոլորտում ունեցած մեծ ավանդի համար:
Միանսյանը նախագահի խորհրդական է նշանակվել հունիսի 7-ին: Մինչ այդ նա զբաղեցրել է էկոնոմիկայի փոխնախարարի պաշտոնը: