Չինաստանում կդատեն հայտնի լրագրողուհի եւ իրավապաշտպան Հաո Յուին, ով մեղադրվում է պետական գաղտնիքի հրապարակման մեջ. լրագրողն իբրեւ թե օտարերկրյա լրատվամիջոցներին կարեւոր գաղտնի փաստաթուղթ է փոխանցել:
Խոսքը Չինաստանի Կոմունիստական կուսակցության քարոզչության բաժնի՝ անդամներին արեւմտյան արժեքներով եւ ազատություններով տարվածությունից խուսափելու գաղափարախոսական դիրեկտիվների մասին է, հայտնում է BBC-ի ռուսական ծառայությունը:
Հաո Յուի փաստաբանները պնդում են, որ արեւմտյան մամուլում հայտնված նյութերն այդ պահի արդեն հասանելի են եղել:
Միջազգային իրավապաշտպան կազմակերպությունները պահանջում են ազատ արձակել 70-ամյա լրագրողին:
Պեկինում BBC-ի թղթակիցը հայտնում է, որ նման դեպքերում արդարացնող դատավճիռ շատ հազվադեպ է կայացվում. Հաո Յուին սպառնում է ցմահ ազատազրկում:
