ՀՀ քաղաքաշինության նախարար Նարեկ Սարգսյանն այսօր՝ նոյեմբերի 21-ին, հերթական անգամ ընդունել է Երեւանի Կոնդ թաղամասի բնակիչների ներկայացուցիչներին:
Նախարարության մամուլի ծառայությունից հայտնում են, որ նախարարը ներկայացրել է նախորդ հանդիպումից հետո ընկած ժամանակահատվածում ՀՀ կառավարության կողմից իրականացված եւ իրականացվելիք քայլերի հերթականությունը, այդ թվում՝ մատնանշելով, որ առաջիկա կառավարության նիստի օրակարգում ընդգրկվելու է Կոնդի բնակիչների բնակապահովման խնդիրների վերաբերյալ հարցը:
Հիշեցնենք, որ շաբաթվա սկզբին, նոյեմբերի 17-ին քաղաքաշինության նախարարը նույնաբովանդակ հերթական անգամ հանդիպել էր նաեւ Ֆիրդուսի թաղամասի իրացման տարածքի բնակիչների հետ: