Գերմանիայի կանցլեր Անգելա Մերկելը քննադատել է Շվեդիային միակողմանիորեն Պաղեստինի անկախությունը ճանաչելու համար:
«Պաղեստինի միակողմանի ճանաչումը մեզ առաջ չի մղի երկու երկրների ստեղծման հիմքի վրա խնդիրները լուծելու ճանապարհին»,-հայտարարել է Մերկելը՝ Բեռլինում Բելգիայի վարչապետ Շառլ Միշելի հետ բանակցություններից հետո:
Նա ընդգծել է, որ իր կարծիքով, ավելի կարեւոր է կենտրոնացնել ջանքերը Իսրայելի եւ պաղեստինցիների միջեւ բանակցությունների անցկացման վրա:
Հիշեցնենք, որ հոկտեմբերի վերջին Շվեդիան դարձավ ԵՄ անդամ առաջին երկիրը, որը ճանաչեց Պաղեստինի Պետությունը:
1980-ականների վերջին այդ քայլին արդեն գնացել էին Բուլղարիան, Ռումինիան, Լեհաստանը, Կիպրոսը, Մալթան, Չեխիան եւ Հունգարիան: Պաղեստինը ճանաչել են մոտ 130 երկրներ: