ԱՄՆ հյուսիս-արեւելքում մի քանի օր ձյան առատ տեղումներից հետո, երբ միայն առաջին օրերին ձյան կեսմետրանոց շերտ էր գոյացել, օդերեւութաբանները նախազգուշացնում են հալոցքի հետեւանքով հնարավոր ջրհեղեղների մասին։
Նյու Յորքի իշխանությունները հայտարարում են, որ որոշ տներ կարող են չդիմանալ ձյանը փոխարինելու եկած հորդառատ անձրեւներին, փոխանցում է BBC-ի ռուսական ծառայությունը։
Տների տանիքներին ձյան հաստ շերտ է, եւ անձրեւները միայն ավելի են ծանրացնում այն՝ փլուզման վտանգ առաջացնելով։
Վերջին տվյալներով՝ անոմալ ձյան հետեւանքով 13 մարդ է զոհվել, որոնցից մեծ մասը՝ ձյուն մաքրելիս կաթված ստանալու հետեւանքով։