Դոնեցկում ջախջախված մալայզիական Boeing-ի բեկորների դուրսբերումը ինքնահռչակված Դոնեցկի ժողովրդական հանրապետության տարածքից կսկսվի նոյեմբերի 23-ին։ Այս մասին հայտնում է ԴԺՀ մամուլի կենտրոնը։
«Որոշում է ընդունվել, որ գնացքը կուղեւորվի Պելագեեւսկի կայարանից եւ ուղղություն կվերցնի դեպի Խարկով՝ այն ուկրաինական կողմին հանձնելու համար։ Մինչեւ Յասինովատայա կայարան անվտանգությունը կապահովվի ԴԺՀ իրավապահ մարմինների կողմից։ Մեկնումը նախատեսված է կիրակի օրը՝ ժամը 10.00»,- հաղորդվում է ԴԺՀ տրանսպորտի նախարարության հայտարարության մեջ:
Ինչպես նշվում է, խոցված ինքնաթիռի բեկորները տեղակայվել են 11 կիսավագոնների եւ մեկ փակ վագոնի մեջ՝ ինքնաթիռի մանր հատվածների համար, հայտնում է Gazeta-ն:
«Բացի այդ, ԴԺՀ-ի տրանսպորտի նախարարության կողմից հատկացվել է եւս մեկ ուղեւորատար վագոն՝ բեռը ուղեկցող անձնակազմի՝ ԵԱՀԿ-ի եւ Հոլանդիայի ներկայացուցիչների համար»,- ասվում է հաղորդագրության մեջ:
Հիշեցնենք, որ Malaysia Airlines ավիաընկերությանը պատկանող ուղեւորատար ինքնաթիռը կործանվել է 2014 թվականի հուլիսի 17-ին, Ուկրաինայի Դոնեցկի մարզում: Օդանավում գտնված բոլոր 298 ուղեւորներն ու անձնկազմի անդամներն են զոհվել են:
