Ռուսաստանը շարունակում է համագործակցությունը երկրների մեծամասնության հետ եւ մեկուսացվածութուն չի զգում, հայտարարել է ՌԴ արտգործնախարար Սերգեյ Լավրովը Մոսկվայում Արտաքին եւ պաշտպանական քաղաքականության խորհրդի ասամբլեայում։
Ըստ նրա՝ Ռուսաստանը շարունակում է երկխոսությունը աշխարհի երկրների մեծամասնության հետ եւ մտադիր չէ հրաժարվել նաեւ ԵՄ-ի հետ համագործակցությունից, փոխանցում է «ՌԻԱ Նովոստին»։
Սակայն Լավրովը նշել է, որ հարաբերություններն այլեւս առաջվանը չեն լինի։ «Եվրամիությունը մեր հավաքական խոշոր գործընկերն է։ Ոչ ոք մտադիր չէ իր ոտքին կրակել, հրաժարվել Եվրոպայի հետ համագործակցությունից, թեեւ բոլորն են հասկանում, որ business as usual-ն արդեն հնարավոր չէ» ,- հայտարարել է նա։
Արտգործնախարարը նաեւ ընդգծել է, որ պատժամիջոցները ոչ միայն Ռուսաստանի վրա են անդրադառնում, այլեւ վնասում են դրանք կիրառող երկրներին, փոխանցում է ՏԱՍՍ-ը։