Նոյեմբերի 15-ին Արթիկի բժշկական կենտրոն տեղափոխված Արթիկ քաղաքի 22-ամյա բնակչին սուր կտրող գործիքով դանակահարողը հայտնաբերվել է: Այս մասին տեղեկանում ենք Ոստիկանության տեսանյութից։
Ոստիկանության աշխատակիցները մի քանի ժամվա ընթացքում պարզել են, որ վիճաբանությունը ծագել է Շիրակի մարզի Փանիկ գյուղում՝ փանիկցի Դավիթ Ասլանյանի եւ արթիկցիներ՝ Սամվել Պառավյանի, Հովհաննես Աղաբաբյանի եւ Վարազդատ Խաչատրյանի միջեւ Արթիկի երկաթգծի կայարանում, որի ժամանակ Դավիթ Ասլանյանը հարվածել էր Սամվել Պառավյանին՝ պատճառելով կյանքին վտանգ սպառնացող ծանր վնասվածք:
Դեպքի առթիվ հարուցվել է քրեական գործ, Դավիթ Ասլանյանի նկատմամբ որպես խափանման միջոց ընտրվել է կալանավորումը: Մանրամասները՝ ոստիկանության տեսանյութում։