Մի քանի ամիս շարունակ պարբերաբար կատարվող գողությունների վերաբերյալ ստացված ահազանգերի հիման վրա Ոստիկանության Վարդենիսի բաժին գողություն կատարելու կասկածանքով բերման են ենթարկվել Վարդենիս քաղաքի բնակիչներ՝ Արգիշտի Բուդոյանը, Աշոտ Հովհաննիսյանը, Դավիթ Դավթյանն ու Արման Ստամբոլցյանը: Խմբի 5-րդ անդամ՝ Արգեն Բուդոյանին, որը, ըստ ոստիկանության, խմբի պարագլուխն է, ոստիկանության աշխատակիցներին դեռ չի հաջողվել բռնել:
Խոստովանական ցուցմունքում կալանավորները նշել են, որ նոյեմբերի 1-ի գիշերը Վարդենիսի Բանավան թաղամասի խանութից տարբեր իրեր են գողացել, ինչպես նաեւ պարբերաբար այլ վայրերից կատարել են մի շարք գողություններ:
Հարուցված քրեական գործի նախաքնությունը շարունակվում է:
Նշենք, որ ձերբակալվածների պահման վայրի իր խցում կալանավոր Դավիթ Դավթյանը պոկել է մատիտը ռետինին կապող օղակը եւ փորձել վնասել իրեն:
