Իրանի միջուկային ծրագրի վերաբերյալ միջազգային միջնորդների բանակցությունները «թեթեւ առաջընթաց» են գրանցել, բայց կան լուրջ տարաձայնություններ, շաբաթ օրը հայտարարել է ԱՄՆ-ի պետքարտուղար Ջոն Քերրին Գերմանիայի արտգործնախարար Ֆրանկ Վալտեր Շտայնմայերի հետ հանդիպումից առաջ։
«Մենք հուսով ենք, որ առկա է թեթեւ առաջընթաց, բայց մենք լուրջ տարաձայնություններ ունենք, որոնք փորձում ենք հարթել», — Քերրիի խոսքերն է մեջբերում «Ռեյթերը»։
Ավելի վաղ հաղորդվել էր, որ ԱՄՆ-ի պետքարտուղար Ջոն Քերրին, Իրանի ԱԳ նախարար Մուհամեդ Ջավադ Զարիֆը եւ միջազգային միջնորդների վեցյակի համակարգող Քեթրին Էշթոնը շաբաթ կանցկացնեն չորրորդ եռակողմ հանդիպումը Իրանի միջուկային ծրագրի ավարտական փուլի շրջանակում, փոխանցում է «ՌԻԱ Նովոստին»։